Kal Ajab Saniha sa Hua Rait Par | Wasi shah Ghazal

Kal Ajab Saniha sa Hua Rait Par | Wasi shah Ghazal

Kal Ajab Saniha Sa Hua Rait Par

Naam Tera Nahi Likh Saka Rait Par

Kis Ki Awaz Se Tham Gaye Hain Qadam

Phir Se Kis Ne Mujhe Di Sada Rait Par

Us Ki Aankhon Se Sholay Nikalte Rahe

Naachti Reh Gai Kal Ghata Rait Par

Tu Ne Jo Bhi Hawa Se Kaha Reh Gaya

Mit Gaya Mai Ne Jo Bhi Likha Rait Par

Ab Yeh Sehra Hi Tere Muqaddar Mai Hain

Tu Ne Maangi Hi Kiyu Thi Dua Rait Par

Ek Shola Utha Us Jaga Se WASI

Mera Aansu Jahan Gir Gaya Rait Par

(Wasi Shah)