Koi Umeed Bar NahiN Aati Ghazals of Ghalib

Koi Umeed Bar NahiN Aati ghazals of ghalib

Koi Umeed Bar NahiN Aati

Koi Soorat Nazar NahiN Aati

Mout Ka Aik Din Muayyan Hai

Neend KyuN Raat Bhar NahiN Aati

Aage Aati Thi Haal-e Dil Peh Hansi

Ab Kissi Baat Par NahiN Aati

Janta HuN Sawab-e Ta~at-o-Zuhd

Par Tabiyat Idhar NahiN Aati

Ham WahaaN HaiN JahaaN Se Ham

Ko Bhi

Kuchh Hamari Khabar NahiN Aati

Marte HaiN Aarzu MeiN Marne Ki

Mout Aati Hai Par NahiN Aati

Kaabe Kis MuNh Se Jao Ge Ghalib

Sharm Tum Ko Magar NahiN Aati

********

Mirza Ghalib Ghazals